马太福音 18 · 1882《马太福音传》（粤语联合译本修订本，香港理工大学数据）

个阵时、门生嚟到耶稣处话、喺天国、乜谁係至大呢。

耶稣叫一个细伩仔企倒佢哋之中、

话、我实在话你知、若係你唔改变、做番细伩仔噉样、就唔入得天国。

所以但凡自己谦卑好似呢个细伩仔噉、佢在天国係至大。

又但凡因我嘅名、招接一个噉样嘅细伩仔、即係招接我。

但凡令一个信我之小子陷罪嘅、佢宁可被大石磨、挂住颈、沉落深海处。

呢的世界有祸咯、因为佢陷人落罪呀、陷人落罪、必不免之事、但係陷人落罪嘅个个人有祸咯。

倘若你一只手、或一只脚、陷你落罪、就斩断𢫕佢、你跛与及残鈌入永生处、重好过有两只手两只脚、被𢫕落永火处。

倘若你一只眼陷你落罪、就挖哓𢫕佢、你单眼入永生处、重好过有两只眼、打落地狱嘅火处。○

你要谨愼、咪睇轻呢的小子之中一个、我话你哋知、佢嘅使者喺天上、常时见我天父面呀。

（因为人子嚟拯救丧亡嘅。）

倘若一个人、有一百只羊、荡失哓一只、你意思点呢、佢岂唔留下九十九只喺山处、去搵个只荡失嘅咩。

倘若係搵倒佢、我实在话你知、就为佢欢喜、胜过九十九只冇荡失嘅咯。

噉样、你天父嘅旨意、唔想呢的小子之中、有一个丧亡呀。○

倘若你兄弟得罪你、你去见佢、单独你共佢喺处个时、执责佢、若然佢听从、就得番你兄弟咯。

倘若佢唔听从、就带一两个人共你、等有两三个口证明佢、句句说话係实。

倘若唔听从佢哋、就话过教会知、倘若又唔听从教会、你就当佢係异邦人、与及税吏嚹。

我实在话你哋知、但凡你哋在地上绑住嘅、在天上亦必被绑住、但凡你哋在地上释放嘅、在天上亦必被释放。

我又话你知、倘若你哋有两个人、喺地上相合、嚟求乜野嘅事我天父必为佢做成、

因为唔论边处、有两三个人、为我名聚集嘅、我亦在佢哋之中呀。○

个阵时、彼得嚟到话、主呀、兄弟得罪我、我要赦佢几多次呢、係至到七次唔係呢。

耶稣对佢话、我话过你知、唔係至到七次呮、係至到七十个七次呀。

故此天国好比人君、想共佢的臣仆计数。

佢起首计个时、有拉住一个欠一千万银嘅嚟佢处。

因佢冇得还、佢主人吩咐要卖佢身、同埋妻及仔女、共所有嘅野𢬿嚟还番。

个个臣仆就𡂈倒处拜佢话、主、请寛恕我、我将来必定还清。

个个臣仆嘅主怜恤佢、释放佢、而且免哓佢的债。

但係个臣仆出去、遇著一个同班嘅人、欠佢银十个、就执住佢、揸佢喉胧话、你𢬿所欠嘅还番我。

个同班嘅人、𡂈倒处求佢话、请宽宽恕我、我将来必定还过你。

佢唔肯、反去押佢落监、等佢还番所欠嘅。

众同班嘅、见佢所为、就好忧心、将佢嘅事、禀嘥过佢哋嘅主知。

于是佢主人叫佢嚟话、好恶嘅臣仆呀、你所欠嘅、因为你求我、我尽哋免哓咯。

你唔应该怜恤你同班嘅人、好似我怜恤你噉咩。

主人就恼怒起嚟、交佢过皂班、等佢还清所有欠嘅。

若係你各人、唔由心赦免兄弟嘅、我天父亦必噉样待你哋呀。