马太福音 22 · 1882《马太福音传》（粤语联合译本修订本，香港理工大学数据）

耶稣再用譬喻答佢哋话、

天国好比一个君王、为佢仔摆娶亲嘅筵席。

打发佢的仆人去、叫所请嘅客嚟埋席、个的人唔肯嚟。

又打发第的仆人、话过所请嘅人知、我嘅大餐已经整定、我嘅牛与及肥畜生、已经㓥定、而且各样齐备咯、请嚟埋席喇。

但係个的人总唔理、就行去哓、一个去自己嘅田、一个去做生意。

其余的人、执住佢嘅仆人、凌辱杀哓。

君王就恼怒、打发兵丁、去剿灭个的凶手、焚烧佢哋嘅城。

就对佢仆人话、筵席已经齐备、但所请嘅人唔堪当。

故此你去通行大路、但凡遇著嘅、都请佢嚟埋席啰。

个的仆人、出到路上、聚集埋所有遇著嘅、或善或恶、噉就人客坐满席上。

君王入去睇个的人客、睇见个处、有一人唔著礼服。

就对佢话、朋友呀、你入嚟呢处、做乜唔著礼服呢。佢冇声出、

君王对个的使唤嘅话、将佢绑住手脚、𢫕出外便黑暗嘅地方、喺个处、必定哀哭切齿咯。

因为被招嘅係多、得选嘅係少呀。○

个阵时、法利赛人出去、大家同谋、点样将佢说话嚟陷害佢。

就使自己嘅门生、共埋希律党嘅人、去到佢处话、老师呀、我哋知到你係真实嘅、亦𢬿真实嚟传上帝嘅道、唔理人身分点样、因你唔係𢬿外貌嚟取人呀。

故此请话我哋知、纳税过该撒、（罗马国君名号）、你意思以为著唔著呢。

耶稣知到佢哋奸诈、就话、伪善嘅人呀、因何试我呢、

俾纳税嘅银钱我睇吓。佢哋就拈一个银钱俾过佢。

耶稣对佢哋话、呢个相头共国号、係乜谁嘅呢。

佢哋话、该撒嘅。于是耶稣对佢哋话、𢬿该撒嘅物、归番该撒𢬿上帝嘅物、归番上帝咯。

众人听闻见出奇、就离开佢去哓。○

个日、有(口撒)吐𡀲人、即係话冇复生嘅、嚟到耶稣处问话、

老师呀、摩西有话、倘若一个人、冇仔女死哓、佢细佬要娶佢嘅妻、生仔承继大佬。

我哋之中、有七个兄弟、至大嘅娶亲死哓、冇仔、剩落个妻过细佬。

第二第三至到第七都係噉样。

收尾个个妇人亦死。

噉就到复生之时、七个人之中、个妇人做边个嘅妻呢、因为个个都娶过佢咯。

耶稣答佢哋话、你哋唔晓得圣书、与及上帝嘅权能、故此错呀。

因为复生之时、冇娶冇嫁、好似上帝嘅使者、喺天上一样。

但係论死者复生、你岂未曾读过上帝晓谕你哋嘅说话咩、

话我係亚伯拉罕嘅上帝、以撒嘅上帝、雅各嘅上帝、上帝唔係死者嘅上帝、係生者嘅上帝、

众人听闻、就惊奇佢嘅教训。○

法利赛人、闻得耶稣令(口撒)吐𡀲人冇声出、就聚集埋。

其中有个教法师试佢、问话、

老师呀、律法之中、边条诫係大呢。

耶稣对佢话、必要尽你嘅心、尽你嘅性、尽你嘅意、爱主即係你嘅上帝。

呢条诫、係大嘅、而且第一。

第二亦係噉样、係要爱你邻舍好似自己。

所有律法、与及众先知、都係呢两条诫做纲领咯。○

法利赛人聚集个阵时、耶稣对佢哋话、你点样估基督呢、係乜谁嘅后裔呢。

佢哋答话、大辟嘅。

耶稣对佢哋、既然係噉、大辟被圣神感动之时、为乜称基督为主呢。

大辟有讲、主对我主话、你坐倒我右便、等到我𢬿你嘅仇敌、挤倒你脚下。

大辟既然称基督做主、噉基督点样係佢后裔呢。

冇人能𢬿说话嚟答佢、自个日之后、一个都唔敢再问佢咯。