马太福音 23 · 1882《马太福音传》（粤语联合译本修订本，香港理工大学数据）

个阵时、耶稣对众人、与及佢门生讲话、

个的读书人、同埋法利赛人、坐摩西嘅位处、

但凡佢叫你哋守住嘅、就要守住嚟做、但係唔好学佢嘅行为、因为佢讲得唔做得呀。

佢𢬿重嘅而且难担嘅责任、绑住挤到人哋膊头之上、独係自己、都唔肯喐一只手指嚟帮吓。

但凡佢所做嘅工夫、都係想俾人睇见呮、而且整阔佢哋嘅佩经、整大佢哋嘅衫边。

又欢喜坐席上嘅首位、会堂嘅尊位、

喺市头嚟问安、俾人哋称佢夫子。

但你哋唔好爱人称呼你做夫子、因为你止有一位老师、你哋大众都係兄弟。

而且咪称在地嘅为父、因为你止有一个父、即係在天嘅、

亦唔好受人称你係老师、因为你止有一位老师、即係基督。

你哋之中係大嘅、必做你哋嘅使唤人。

而且但凡自高嘅、必降为卑、但凡自卑嘅、必得升高呀。○

你哋伪善嘅读书人、与及法利赛人有祸咯、因为你喺人哋面前、闭埋天国、你自己唔入、个的将近入嘅、你都唔俾佢入呀。

（你哋伪善嘅读书人与及法利赛人有祸咯、因为你吞寡妇嘅家业假意做长长祈祷、故此你哋受刑罚、必定更重呀、）

你哋伪善嘅读书人、与及法利赛人有祸咯、因为你周围行海上地上、招一人入教、已经入教、就令佢做地狱嘅人、较之你重加倍呀。

你哋盲眼带路嘅人有祸咯、你话、但凡指住殿嚟誓愿、就冇事、独係指住殿嘅金嚟誓愿、就要还番。

呆而且盲嘅、边样係大呢、係金吖、抑或个殿令金成圣嘅呢。

你又话、但凡指住坛嚟誓愿、就冇事、惟係指住坛上嘅礼物嚟誓、愿、就要还番。

盲眼嘅呀、边样大呢、係礼物吖、抑或个坛令礼物成圣嘅呢。

故此指住坛嚟誓愿嘅、即係指住坛、与及坛上所有嘅物件嚟誓愿嚹。

又指住殿嚟誓愿嘅、即係指住殿、与及在殿里头住嘅嚟誓愿嚹。

又指住天嚟誓愿嘅、即係指住上帝嘅位、与及在位上嘅嚟誓愿嚹。○

你哋伪善嘅读书人、与及法利赛人、有祸咯、因为𢬿薄荷、茴香、马芹、都十份纳一、但係律法之中至重嘅、如公义、怜恤、信实、你就丢弃哓、但呢的係你应该做嘅、个的亦唔好丢弃呀。

盲眼带路嘅人呀、蛟螆你就隔出嚟、骆驼反𢬿嚟吞咯。

你哋伪善嘅读书人、与及法利赛人、有祸咯、因你哋杯盘外面、係洗干净、里头就载满勒索与及不义呀。

盲眼嘅法利赛人呀、先要整干净杯盘里头、噉就外面都干净咯。○

你哋伪善嘅读书人、与及法利赛人、有祸咯、因为你好似粉白嘅坟墓、外面好睇、其实里头载满死人嘅骨石、与及各样污秽呀。

噉样你亦外面现出过人睇嘅係公义、但里头係充满伪善与及不义呀。

你哋伪善嘅读书人、与及法利赛人、有祸咯。因为你建做先知嘅山坟、修饰义人嘅坟墓。

又话、我哋倘若生在我祖宗个时、是必唔共佢同谋、流先知嘅血。

噉样、你自己证明係杀先知的人嘅子孙咯。

只管充满你祖宗嘅量喇。

蛇呀、毒蛇之类呀、你点能避得地狱嘅刑呢。

故此我打发先知、与及智人、共埋读书人到你处、其中有的你必杀嘅、必钉落十字架嘅、有的在你哋会堂、必鞭打嘅、亦有自呢个城、赶佢去个个城嘅。

致令所有流义人之血于地嘅、都归番你、即係自从义人亚伯嘅血起、至到喺殿共坛中间、所杀巴拉加之子撒加利亚嘅血止。

我实在话你知、呢的所有嘅事、必定归呢个世代。

耶路撒冷呀、耶路撒冷呀、你係杀个的先知、𢬿石矴个的奉命到你处嘅、我已经几多次想聚集你子民、好似鸡乸聚集鸡仔喺翼下一样、但係你唔肯。

你哋嘅屋、要空荒、留落过你咯。

我话你知、自今以后、你哋唔见我、等到你话、托主名嚟到嘅得福咯。