马太福音 25 · 1882《马太福音传》（粤语联合译本修订本，香港理工大学数据）

个阵时、天国好比十个童女、拈佢嘅灯、出去迎接新郎。

其中有五个愚蠢嘅、五个智慧嘅。

个的愚蠢嘅、拈佢嘅灯、未曾预备油。

但係个的智慧嘅、拈佢嘅灯、亦预备油在器皿咯。

新郎嚟得迟、大众都见眼倦瞓哓。

半夜、有大声叫话、新郎嚟嚹、你哋出去迎接佢啰。

个阵时、大众童女都起身、整好佢嘅灯。

愚蠢嘅就对智慧嘅话、𢬿你的油、分过我哋啰、因为我哋嘅灯、将近熄咯。

个的智慧嘅答话、慌怕你共我都唔够用、不如你自己去到个的卖嘅买罢啰。

佢哋去买个阵时、新郎嚟到、个的预备嘅同埋佢入去婚筵、就闩埋门咯。

后来、其余的童女嚟到话、主呀、主呀、请开门过我喇。

主答佢话、我实在话你知、我唔识你哋呀。

所以当要儆醒、因为你唔知何日何时呀。○

天国又好似一个人出外、叫自己的仆人嚟、𢬿佢嘅产业、交托过佢哋。

依住各人嘅才干一个俾五千银、一个俾二千、一个俾一千、个主人就出外咯。

受五千银嘅、即时拧去做生意、赚得五千添。

受二千嘅、亦赚得二千添、

但係受一千嘅、去掘开的地、藏埋佢主人嘅银。

日久之后、个的仆嘅主人番归、同佢哋计数。

受哓五千嘅嚟到、又带五千添、话、主呀、你俾过我个五千、我又赚多五千添。

佢主对佢话、好吖、善良及忠心嘅仆呀、你于少嘅已经忠心、我将来𢬿多嘅交托你、你可以入嚟、共你主同乐咯。

受二千嘅、亦嚟到话、主呀、你俾过我个二千、我又赚多二千添。

佢主对佢话、好吖、善良及忠心嘅仆呀、你于少嘅己经忠心、我将来𢬿多嘅交托你、你可以入嚟、共你主同乐咯。

受一千嘅、嚟到话、主呀、我知你係忍心之人、未撒落个处嘅要收割、未散开个处嘅要收歛、

故此我慌起嚟、去藏埋你个千银喺地、如今得番你嘅原物咯。

佢主答佢话、恶兼懒嘅仆呀、你知到我未撒落个处嘅要收割、未散开个处嘅要收敛嘅咩。

就应该𢬿我嘅银、挤落我换嘅银铺、至到我番嚟个时、收得番我嘅本与及利喇。

故此要夺番佢个千、嚟俾过呢个有十千嘅。

因为但凡有嘅、将要加添过佢、令佢有余、冇嘅、连佢所有都夺埋。

冇益嘅仆、赶佢出去外便黑暗处、喺个处必定哀哭切齿咯。○

当人子乘住佢荣光、共众天使落嚟个时、佢坐在荣光嘅位。

万民喺佢面前聚集、佢必定分开佢哋、好比牧羊嘅人、分别绵羊、离开山羊。

佢必挤绵羊喺右便、山羊喺左便。

个王就对喺右便嘅话、我父所祝福嘅、前嚟承继个国、即係自开辟世界以来、为你哋预备嘅。

因为我饿、你俾我食、我渴、你俾我饮、我做远客、你俾我住、

我赤身、你俾我著、我有病、你睇顾我、我喺监、你嚟探我。

个阵时、个的义人必答佢话、主呀、我哋几时见你饿、俾过你食、或渴、俾过你饮呢。

我哋几时见你做远客、俾过你住、或赤身、俾过你著呢。

我哋几时见你有病、或喺监、嚟探你呢。

个王必定答佢哋话、我实在话你知、你为我呢的一个至细嘅兄弟做过、即係为我做过咯。

佢又对喺左便嘅话、你受咒诅嘅、离开我入永火啰、係为魔鬼与及佢使者预备嘅。

因为我饿、你唔俾我食、我渴、你唔俾我饮。

我做远客、你唔俾我住、我赤身、你唔俾我著、我有病、与及喺监处、你唔睇顾我。

个阵时、佢哋亦必答佢话、主呀、我哋几时见你饿、或渴、或做远客、或赤身、或病或喺监、唔服事你呢。

个王必定答佢哋话、我实在话你知、你未曾为我呢的一个至细嘅做过、即係未曾为我做过咯。

呢的人、必定入去永刑处、惟係义人、入去永生处。