耶稣讲完呢的咁多说话，对佢门生话。
过两日係逾越节，你知到喇，人子将近被解，钉十字架咯。
个阵时，众祭司长，共埋百姓嘅长老，聚集喺大祭司长名叫该亚法嘅衙门。
大家商量，用诡计捉耶稣嚟杀。
但係佢哋话，唔好喺节期个时，怕百姓生乱。
耶稣喺伯大尼痲疯人西门嘅家。
有一个妇人嚟到，𢬿玉盒装住至贵重嘅香油，当耶稣坐席之时，斟落佢头。
门生睇见，就唔中意，话，使乜咁花费呢。
因为个的香油，可以卖得好多银，𢬿嚟施舍穷人吖。
耶稣知到就对佢哋话，你为乜事搅扰个妇人呢，佢向我做一件好事呀。
因为个的穷人，常时同你哋喺处，但我唔係常时同你哋喺处。
佢倒呢的香油落我身处，係因我埋葬嚟做嘅。
我实在话你知，通天下唔论喺边处，传呢的福音都要讲起呢个妇人所做嘅，嚟记念佢。
个阵时，十二门生之中，有一个名叫加略人犹大，去见众祭司长。
话你哋肯俾几多银过我，我𢬿佢嚟交过你哋，众人就共佢约定银三十员。
自个阵时，佢搵机会嚟交出耶稣。
当除酵节第一日，佢门生嚟耶稣处，话，想我哋喺边处，为你预备食逾越节嘅筵席呢。
佢话，你入城去到某人处对佢噉话，老师话，我嘅时候将近到咯，我共我门生喺你处做逾越节。
个的门生，依住耶稣所吩咐，嚟预备逾越节嘅筵席。
将近夜，耶稣同埋十二门生坐倒席处。
众人食开个时，耶稣话，我实在话你知，你哋之中，有一个哙卖我嘅。
门生就好闭翳，逐个问佢话，主呀，係我咩。
耶稣答话，共我挤手落碟嘅，个个就係卖我嘅咯。
人子将过世，係照圣经所指着佢嘅，但係卖人子个人有祸咯，个个人唔生出嚟重好。
卖耶稣嘅犹大问佢话，夫子，係我咩，耶稣话，你讲得著咯。
佢哋食开个时，耶稣拈饼祝谢，就擘开俾过门生话拈嚟食喇，呢的係我嘅身呀。
又拈只杯感谢，𢬿嚟俾过门生话，你哋大家饮喇。
因为呢的係我嘅血，即係新约嘅血，为众人流出，致赦得罪嘅。
我话你知，自今以后，我唔再饮菩提树所生嘅，等到个日，我同埋你喺我父嘅国，致饮新嘅咯。
佢哋唱哓诗，就出去橄榄山。
个阵时耶稣对佢哋话，今晚你哋众人必见阻碍，因为圣经有话，我将打个牧人，个群羊就散嘥咯。
但係我复生之后，必先过你哋去到加利利。
彼得答佢话，众人虽然见阻碍，我总唔见阻碍。
耶稣对佢话，我实在话你知，今晚鸡未啼之前，你必定三次唔认我咯。
彼得对佢话，即使共你同埋死，我断唔话唔认识你，大众门生都係噉话。
个阵时，耶稣同埋门生到一处地方，叫做客西马尼，就对佢哋话，你哋坐倒呢处，等我去个处祈祷。
就带住彼得，与及西比太两个仔，好忧愁，好悲切。
于是对佢哋话，我心闭翳到死咯，你哋喺呢处等吓，同埋我儆醒喇。
就行前的，𡂈倒地处祈祷，话，我父呀，若係可以做得，就𢬿呢只杯离开我，但唔係从我所想，实係从你所想呮。
噉就番嚟门生处，见佢哋瞓著，就对彼得话，噉样，你哋不能同我儆醒半个时辰咩。
儆醒呀，祈祷呀，免至入迷惑呀，你心果係情愿，但身体软弱咯。
第二次，再去祈祷，话，我父呀，若係呢只杯不能离开我，我不得不饮，噉就你嘅旨旨意得成就咯。
再番嚟，见佢哋瞓著，因为佢眼倦呀。
又离开佢哋再去，第三次祈祷，亦係讲番个的说话。
在后番嚟门生处，对佢哋话，如今可以瞓得安乐咯，时候近嚹，人子卖过罪人嘅手嚹。
起身喇，我哋去咯，卖我嘅人嚟近咯。
佢讲开个阵时，十二门生之中，一个犹大，同埋群众，揸刀共棍，从众祭司长共民间长老处嚟。
卖耶稣嘅，也曾俾个记号佢哋话，我所亲嘴嘅，就係佢咯，你哋捉住佢啰。
就即刻到耶稣处话，夫子，平安就同佢亲嘴。
耶稣对佢话，朋友呀，你嚟做乜呢，众人就行前落手捉住耶稣。
同埋耶稣嘅，有一个人，伸手拔出把剑，斩大祭司长嘅仆，削甩个只耳。
耶稣对佢话，入番你把剑落壳处喇，因为但凡使剑嘅，必因剑亡呀。
你估我唔求得我父，就为我使十二营有多嘅天使嚟咩。
若係噉样，就圣经所话，呢的事是必有，点得应验呢。
当个阵时，耶稣对众人话，你哋揸刀共棍，好似捉贼噉嚟捉我咩，我日日坐在殿处教诲，你哋唔捉我。
但係呢的做成嘥，致应验先知书所冩嘅。个阵时，门生个个都离开佢走去。
捉耶稣嘅，拉佢去到大祭司长该亚法处，个的读书人共长老，已经喺个处聚集。
彼得离远跟住耶稣，去到大祭司长处嘅院，行入里头，同差役坐，想睇吓到底点样。
众祭司长，与及全公会嘅人，搵假见证嚟告耶稣，想整死佢。
虽然好多做假见证嘅人嚟，亦唔搵得相合嘅。后来有两个嚟话。
呢个人也曾话，我哙拆上帝嘅殿，三日内又起番。
个大祭司长就起身，对耶稣话，你冇得答咩，呢的人证你嘅，係乜野呢。
但係耶稣唔出声，大祭司长对佢话，我要你对住永生嘅上帝嚟发誓，话过我哋知，你係上帝之子基督唔係。
耶稣答佢话，你讲得著咯，但係我话你哋知，自此以后，你哋将见人子，坐倒大能者嘅右便，而且乘住天云落嚟。
大祭司长就擘烂自己衣服话，佢已经亵凟咯，我哋重要搵乜野见证呢，你哋如今听闻佢亵凟哩，你哋意思点样呢。
佢哋答话，佢犯死罪咯。
众人唾佢面，又俾拳头打佢，亦有俾手掴佢嘅。
话基督呀，你係先知，试话我知吖，打你嘅係乜谁呢。
彼得坐倒院外头，有一个妹仔嚟佢处话，你都也曾同埋加利利耶稣嘅。
但係佢在众人面前唔认，话，我唔知你讲乜野。
已经行出到门庭，又有一个妹仔见佢，对喺个处嘅人话，呢个平素都係同埋拿撒勒耶稣嘅。
佢誓愿再唔认，话，我唔识个人。
歇一阵，旁边企处嘅，行前对彼得话，你真係同佢一党嘅咯，因你嘅土谈，就显出你喇。
彼得就咒诅起嚟，而且发誓话，我唔识个人呀，即时鸡就啼。
彼得记起耶稣所讲嘅，话，鸡啼之先，你将三次唔认我，佢就行出去，哭得好深伤。