个阵时，圣神引耶稣去到旷野，被魔鬼试。
佢已经唔食四十日四十夜咁耐，后来肚饿。
个试者嚟对佢话：「你若係上帝之子，可以吩咐呢的石变做饼。」
耶稣答佢话：「圣书有写：『人不独倚赖饼嚟生，惟係倚赖上帝之口所出嘅说话。』」
于是魔鬼带佢去圣京，令佢企倒殿顶上，
对佢话：「你若係上帝之子，就自己跳落去喇，因为圣书有写：『佢为你吩咐佢嘅天使，佢哋就𢬿手扶住你，免至你脚踢亲石。』」
耶稣对佢话：「圣书又有写：『你唔好试主你嘅上帝。』」
魔鬼又带佢上好高嘅山，𢬿天下列国及列国嘅荣华俾佢睇，
又对佢话：「你若跪下拜我，我𢬿呢的俾嘥过你。」
耶稣就对佢话：「撒但，退啰！因为圣书有话：『你当拜主你嘅上帝，独係奉事佢。』」
于是魔鬼离开耶稣，又有天使嚟服事佢。
耶稣闻得约翰被押住，就去加利利。
又离开拿撒勒，到迦百农处住。个的地方係海边，在西布伦、纳大利境内。
噉就应哓先知以赛亚所讲话：
「西布伦、纳大利地，近海个处，係约但外、异邦人嘅加利利。
喺个处住倒黑暗嘅百姓得见大光；住倒死亡阴翳地方嘅，有光照佢哋。」
耶稣自个阵时起首传道话：「你哋要悔改，因为天国近咯。」
耶稣行游加利利海边，睇见两兄弟，即係西门称为彼得，共佢兄弟安得烈，撒网落海，因佢哋係攞鱼嘅人。
耶稣对佢哋话：「嚟跟从我，我将令你哋攞人好似攞鱼一样。」
佢哋就丢落个张网，跟从耶稣。
喺个处行冇远，又见两兄弟，即係西比太嘅仔雅各及佢兄弟约翰，同佢父亲西比太喺船上补网。耶稣就叫佢哋。
佢即时离开个只船，同父亲相别，跟从耶稣。
耶稣周围行过加利利四方，喺各会堂教诲，宣传天国福音，又喺百姓之中，医各样病痛，各样疾苦。
佢嘅名声，传匀叙利亚各处，但凡人有各样疾病，与及痛苦，共俾鬼迷嘅，发羊吊嘅，疯瘫嘅，都带嚟耶稣处，耶稣就医好佢哋。〔备注：此节原书缺，取自1882《马太福音传》（粤语联合译本修订本，香港理工大学）〕
个时自加利利，低加波利，耶路撒犹太，约但外，有群众嚟跟从佢。〔备注：此节原书缺，取自1882《马太福音传》（粤语联合译本修订本，香港理工大学）〕