马太福音 8 · 1882《马太福音传》（粤语联合译本修订本，香港理工大学数据）

耶稣喺个山落嚟、群众跟从佢。

有个痲疯嘅嚟拜佢、话、主、你若係肯、就能洁净我咯。

耶稣伸手摩吓佢话、我肯、你得洁净咯、佢嘅痳疯即时洁净。

耶稣就对佢话、至紧咪话过人知、但去俾自己过祭司睇、而且献摩西所吩咐嘅礼物、俾过众人做见证、○

耶稣入去迦百农时、有个百把总嚟求耶稣话。

主呀、我有个仆疯瘫、瞓倒屋里、辛苦之极呀。

耶稣对佢话、我去医佢喇。

百把总答话、主到我舍下、我唔敢当、但讲一句说话、我仆必定好番。

因为我属人权下、亦有兵属我权下、吩咐呢个去就去、吩咐个个嚟就嚟、吩咐我仆做呢的佢就做。

耶稣听见以为出奇、就对个的跟随嘅话、我实在话你哋知、在以色列人之中、唔曾见过咁大信德呀。

我话你哋知、将来有好多人、从东方及西方嚟、共亚伯拉罕以撒雅各、同埋坐在天国呀。

但係个国嘅子民、就被赶出外便黑暗、喺个处、必定哀哭、及咬住牙齿咯。

耶稣对个百把总话、去啰、照你所信、事必做成咯、个时候佢仆就好番。○

耶稣嚟到彼得家中、见佢外母发热病、瞓倒处。

就摩吓佢手、热即退哓、佢就起身嚟服事佢。

至到挨晚、有的带好多俾鬼迷嘅嚟佢处、佢𢬿说话、就赶鬼去、而且医好所有病人。

噉就应哓先知以赛亚所讲、话、佢承受我的软弱、担当我的病症。○

耶稣见群众围住自己、就吩咐过去对岸、

有一个读书人嚟对佢话、老师呀、你唔论去边处、我都跟从你。

耶稣对佢话、狐狸有穴、空中嘅雀鸟有巢、但人子连枕头嘅地方都冇呀。

又有一个门生对佢话、主呀、容我先去葬我父亲吖。

但耶稣对佢话、你跟从我、任从死人、葬佢嘅死人喇。○

耶稣落船、佢门生就跟从佢。

忽然在海上、打起大风飓、至到船都被浪遮蔽、但係耶稣瞓著晓。

门生埋去叫醒佢、话、主呀、救我哋喇、我哋死咯。

耶稣对佢哋话、小信嘅人呀、你哋使乜咁慌呢、就起身、喝个的风共海、于是大平静。

个的人见出奇、就话、呢个係乜野人呢、风共海、亦顺从佢呀。○

已经到个便岸、到加大拉嘅地方、有两个俾鬼迷嘅人、甚凶猛、至到冇人行得过个条路嘅、佢喺坟墓出嚟、遇著耶稣。

忽然喓话、上帝之子呀、我哋与你何干呢、期未到、你嚟呢处难为我哋咩。

共佢哋隔好远、有一大队猪食紧野、

个的鬼就求佢话、倘若要赶我哋、就打发我入个队猪处。

耶稣对佢哋话、去啰、个的鬼就离开、入去猪处、忽然间成队走落山坡、投海死在水中。

看猪嘅人、走番入城、就𢬿所有事情、与及俾鬼害嘅情由嚟讲。

通城嘅人出嚟、遇著耶稣、见佢、就求离开佢哋嘅境界。