马太福音 9 · 1882《马太福音传》（粤语联合译本修订本，香港理工大学数据）

耶稣噉就落船、过哓海、番归自己个城。有人抬一个疯瘫嘅、瞓倒床、嚟到佢处。

耶稣见佢哋咁深信、对疯瘫嘅话、小子呀、放心啰、你嘅罪得赦咯。

谁知读书人中、有几个心内话、呢个人、係亵凟呀。

耶稣知到佢意思、话、你哋因何心中怀恶念呢。

话你嘅罪得救、抑或话你起身行、边样易呢。

但係令你哋知到、人子喺地上、有赦罪嘅权柄。就对个疯瘫人话、起身、拈你个张床去归。

佢就起身番去屋𨀣。

众人睇见、惊奇起嚟、就归荣上帝、𢬿噉样嘅权柄赐过人呀。○

耶稣喺个处前去、睇见一个人、名叫做马太、坐在税关、耶稣对佢话、跟从我、佢就起身、跟从。

耶稣喺佢屋里坐席、有好多收税嘅、共有罪嘅人、连埋耶稣、及佢门生同席。

法利赛人睇见、对佢门生话、你老师因何共收税嘅、及罪人同食呢。

耶稣闻得、就话、壮健嘅、唔使要医生、惟係有病嘅致要呮。

但你哋去学我爱矜恤、唔爱祭祀个句、係乜野意思呢、因为我嚟、唔係叫义人悔改、係叫罪人悔改呮。○

个阵时、约翰嘅门生嚟耶稣处话、我哋共法利赛人常时禁食、做乜你门生唔禁食呢。

耶稣对佢哋话、新郎重喺处、贺新郎嘅、岂有悲哀咩、惟係将来新郎离别佢哋去哓、个阵时、就必禁食咯。

冇人𢬿新布嚟补旧衣服、因为补落去、反擘烂个件衣服、致令破绽重关係。

冇人将新酒载落旧皮袋、怕个皮袋裂烂、酒漏出嚟、皮袋亦坏哓、但係新酒必载落新皮袋、噉就两样都保全咯。○

耶稣对佢哋讲紧个时、有一个官嚟拜佢话、我女如今死哓、但係你嚟俾手按吓佢身上、就必定生咯。

耶稣就起身跟住佢、门生都係。

有个女人、有血漏十二年咁耐、嚟到佢后便、摩佢嘅衫边。

因为佢心里话、我但摩吓佢衫、就必定得好。

耶稣回头见佢话、女呀、你放心、你嘅信德已经救你咯、女人从个时候就好番嘥。

耶稣入到个官嘅家中、睇见有的吹箫嘅、与及众人嘈杂。

就话、行开喇、女仔唔係死、不过瞓著呮、众人笑佢、

已经使众人出去、就入去、执住佢手、个女仔即时起身。

于是呢件事嘅风声、周围传开个处咯。○

耶稣由个处前去、有两个盲眼人跟住佢、喓话、大辟嘅子孙、可怜我哋呀。

佢入哓屋、个的盲眼人嚟到佢处。耶稣对佢哋话、你信我做得呢的事唔信呢。佢哋话、主、係咯。

耶稣就摩吓佢眼、话、照依你哋嘅信德、你嘅事必做成咯。

佢的眼就开番、耶稣严戒佢哋话、你小心咪俾人知到。

佢哋出、去、周围喺个处、传扬佢嘅名声。○

当佢哋出去个阵、有带一个哑人、係俾鬼迷嘅、嚟到佢处。

耶稣将鬼赶出、哑嘅就讲、众人以为出奇、话、以色列个处、未曾见噉样嘅呀。

但係个的法利赛人话、佢倚赖鬼王嚟赶鬼呮。○

耶稣周围去各城各乡、在佢哋会堂教诲、传讲天国福音、医各样疾病。

睇见众人、就可怜佢、因为个的人困苦流离、好似羊冇牧人呀。

噉就对佢门生话、要收割係多、但工人少。

所以你要求田主、打发工人、去佢收割个处呀。