马可福音 10 · 1882《马可福音传》（粤语联合译本修订本，香港理工大学数据）

耶稣由个处起行、经过约但河外、到犹太嘅境地、众人再聚埋嚟佢处、耶稣照常、再教佢哋○

法利赛人想试耶稣、嚟问佢话、人出妻著唔著呢。

耶稣答佢哋话、摩西点样吩咐你呢。

个的人话、摩西准我哋写分书、嚟出佢呀。

耶稣答佢哋话、因你哋心硬、故此为你哋写落呢的诫命。

但起首创造个时、上帝造出有男有女。

故此人将离开父母、共妻胶合、

两人成为一体、噉就唔重算係两个、算係一体呀。

所以上帝所配合嘅、人唔好分开。

耶稣喺屋里、门生再𢬿呢件事嚟问佢、

耶稣对佢哋话、但凡出佢妻、娶过别个嘅、就係辜负个妻、嚟犯奸淫嚹。

倘若妻丢弃丈夫、嫁过别人、佢亦係犯奸淫嚹。○

有人带住的嫩仔嚟、想耶稣摩吓、门生责罚佢哋。

但耶稣一见、就唔欢喜、对门生话、由得个的嫩仔嚟我处、唔好禁止佢、因为得上帝国嘅、正係噉样嘅人呀。

我实在话你哋知、但凡承受上帝国嘅、唔似嫩仔噉样、必唔入得个国。

噉就抱起个的嫩仔、俾手按吓佢、祝福佢。○

耶稣出去路上、有一人走到面前、跪倒处问佢话、良善嘅老师呀、我要做乜野、致得永生呢。

耶稣对佢话、你为乜称我良善呢、除哓上帝之外、冇一个係良善(口驾)。

各条诫命、你识哩、即係唔好杀人、唔好行淫、唔好偷野、唔好妄证、唔好呃骗人、又要孝敬你嘅父母。

佢对耶稣话、老师、呢各条诫、我自少时都守住咯。

耶稣睇住佢、爱痛佢、就对佢话、你重少一件呀、去卖嘥你所有嘅、嚟周济穷人、就是必有财帛喺天上、而且嚟跟从我。

佢听闻呢的说话、就变哓面色、闭翳而去、因为佢有好多产业呀。

耶稣周围望吓、对佢门生话、有钱财嘅人、入上帝国、係好难嘅。

门生惊奇佢嘅说话、耶稣再答佢哋话、小子呀、恃钱财嘅人、入上帝国、係好难咯。

骆驼穿过针眼、比较财主人、入上帝国、更容易呀。

门生了不得咁惊奇、就对佢话、噉就乜谁可以得救呢、

耶稣望住佢哋话、在人实係不能、在上帝就唔係、因为上帝係无所不能呀。○

彼得就对耶稣话、我哋已经舍哓所有嘅、嚟跟从你咯。

耶稣答话、我实在话你哋知、为我及福音、离开屋宇、兄弟、姊妹、父母、仔女、田地嘅、

未有唔喺今世得番百倍(口驾)。即係屋宇、兄弟、姊妹、母亲、儿女、田地、亦有迫害、惟係来世得永生。

但好多先头嘅人、将做尾后、尾后嘅人、将做先头呀。○

佢哋上耶路撒冷个时、喺路上、耶稣先行、门生见好出奇、跟从嘅又见惊慌。耶稣再带住十二门生、𢬿自己将遇嘅事、对佢哋讲话、

我哋上耶路撒冷、人子必被人交过众祭司长、及读书人、佢哋将定佢死罪、解过异邦人。

又必凌辱佢、俾口水唾佢、鞭打佢、又杀佢、到第三日、佢就复生咯。○

西比太嘅仔雅各约翰、嚟到耶稣处话、老师、我哋所有求你嘅、想你共我做呀。

耶稣对佢哋话、你想我共你做乜野呢。

佢哋答话、你乗荣个时、求赐我哋一个坐你右便、一个坐你左便。呀。

耶稣对佢哋话、你唔知到你所求嘅咯、我所饮嘅杯、你饮得唔呢、我所受嘅洗礼、你受得唔呢。

佢哋话、做得。耶稣对佢话、我所饮嘅杯、你哋是必饮、我所受嘅洗礼、你哋是必受。

但坐我左便右便唔係我赐得、独係预备赐过乜谁、就赐过佢呮。

十个门生听闻、就好唔欢喜雅各约翰

耶稣叫佢哋嚟话、异邦人嘅君王、做佢哋嘅主、大臣用权柄嚟管理佢哋、呢的你知到哩。

惟係你哋唔好噉样、你哋之中、乜谁想做大嘅、必做你哋嘅使唤人、

乜谁想做头目嘅、必做众人嘅奴仆。

因为人子嚟、唔係要人服事佢、乃係佢服事人、而且舍自己生命、替众人赎罪呀。○

到哓耶利哥耶稣共门生、及大众出耶利哥时、有个盲眼乞儿、即係底买嘅仔、巴底买、坐倒路边。

闻得係拿撒勒耶稣、就大声叫话、大辟嘅子孙耶稣、可怜我呀。

众人责成佢、叫佢咪出声、佢越发大声叫话、大辟嘅子孙、可怜我呀。

耶稣歇住脚、话、叫佢嚟、个的人就叫个盲眼嘅话、你安心、起身喇、耶稣叫你呀。

佢就丢弃衣服急的起身、嚟到耶稣处。

耶稣对佢话、你想我共你做乜野呢、盲眼嘅答话、主呀、我想睇得见呀。

耶稣对佢话、你去喇、你嘅信德医好你咯、佢即时睇得见、就喺路上跟从耶稣而去。