将近耶路撒冷，到伯法其及伯大尼，喺橄榄山处，耶稣打发两个门生，
对佢哋话：「你去对面个条村，入到个时，必遇著一只驴仔绑倒处，歴来未有人骑过嘅，你就解用拉佢嚟。
倘若有人问话：『你哋解驴做乜野呢？』你就话：『主要用佢呀。』个人必即时俾佢嚟。」
门生就去，果然遇著只驴仔绑倒门外街边，就解甩佢。
企倒个处嘅有的人对佢哋话：「解个只驴仔做乜野呢？」
门生照依耶稣所讲嘅嚟答佢，个的人就任从佢拉。
既拉驴仔到耶稣处，佢哋𢬿自己嘅衫铺落驴背，耶稣骑上去。
有好多人𢬿自己衫铺在路上，亦有人在田斩树枝铺在路上。
喺前便行、后便跟嘅人大声叫话：「万福呀！托主名嚟嘅，应该得福呀！
我哋祖宗大辟嘅国将近嚟嘅，应得福呀！万福在至上嘅呀！」
耶稣到耶路撒冷，入去殿堂，周围睇各样物件。时候已经夜咯，就同十二门生出去到伯大尼。
第二日，佢哋自伯大尼番嚟个时，耶稣肚饿。
远远见无花果树有叶，就行埋去，想喺佢上头搵的果子。及去到，净係见叶呮，因为收果嘅时候未到呀。
耶稣就对个棵树话：「自今以后，永远冇人食你嘅果咯。」佢门生都听见。
佢哋到哓耶路撒冷，耶稣入殿堂，就赶个的喺殿里买卖嘅，推倒个的找钱嘅台，与及卖白鸽的人嘅椅，
又唔准人拧器具经过殿里。
就教训佢哋话：「圣经唔係有写『我屋必叫做万民祈祷嘅屋』咩？但你哋𢬿佢嚟做贼巢呀！」
众祭司长及读书人听闻呢的说话，想搵计嚟杀佢，但又怕佢，因为众人惊奇佢嘅教训呀。
到挨晚时，耶稣出城去。
第二朝，佢哋经过，见个棵无花果树连根都干哓。
彼得记起，就对佢话：「夫子，请睇吓，你所咒诅嘅无花果树已经干枯咯。」
耶稣答佢哋话：「你哋当要信上帝。
我实在话你知，但凡对呢个山话：『搬去，𢫕落海。』如果心中冇思疑，信呢句说话必成就，噉就一的都成就[口驾]。
故此，我话你哋知，当祈祷时，唔论求乜野，若信你哙得，就是必得倒呀。
你哋企处祈祷时，若係共人有仇恨，要赦免佢，噉就你父在天亦唔赦免你罪。
你若唔赦免佢，你父在天亦唔赦免你罪咯。」
佢哋再到耶路撒冷，耶稣喺殿间行，众祭司长、读书人及长老嚟到，
对佢话：「你𢬿乜野权柄做呢的事呢？又乜谁赐你呢的权柄，令你做得噉样呢？」
耶稣对佢哋话：「我亦有一句说话问你，请你答我，我就话你知我𢬿乜野权柄做呢的事咯。
约翰嘅洗礼係由天嚟嘅吖？抑或由人嚟嘅呢？请你答我。」
佢哋私下议论话：「我哋若话係由天嚟嘅，佢是必问：『做乜你哋唔信佢呢？』
若话係由人嚟嘅……」又慌住百姓，因为众人以为约翰真係先知呀。
佢哋就答耶稣话：「我哋唔知。」耶稣对佢话：「我亦唔话你哋知，我𢬿乜野权柄做呢的事咯。」