马可福音 14 · 1882《马可福音传》（粤语联合译本修订本，香港理工大学数据）

过哓两日、有个逾越节、即係除酵节、众祭司长及读书人、商量用乜野诡计、捉耶稣嚟杀。

但佢哋话、唔好喺节期个时、怕百姓生乱。○

耶稣喺伯大尼痲疯西门嘅家、坐在席上、有个女人、𢬿玉盒装住至正至贵嘅香油嚟、揭开玉盒、斟落耶稣头上。

有的人、心唔欢喜话、使乜咁花费个的香油呢、

呢的香油、可以卖得三十多两银、𢬿嚟施舍穷人吖、佢哋就执责个女人。

耶稣话、由得佢喇、做乜搅扰佢呢、佢向我做一件好事呀。

因为个的穷人、常时同你哋喺处、你想好看待佢、随时都做得、但我唔係常时同你哋喺处。

呢个女人、尽佢嘅力嚟做、先𢬿香油搽我身、係预备我埋塟嘅呀。

我实在话你哋知、通天下、唔论喺边处、传福音、都要讲起呢个女人所做嘅、嚟记念佢。

十二门生之中有一个加略人犹大、去见众祭司长、想卖耶稣过佢哋。

佢哋听闻好欢喜、应承俾银过佢、犹大就搵机会嚟卖耶稣。○

除酵节第一日、㓥逾越节羊仔个时、门生问耶稣话、你想我哋去边处预备、等你食逾越节、嘅筵席呢。

耶稣就打发两个门生对佢话、你去入城、必有一个人拧水埕嘅、遇著你哋、你跟住佢。

佢入去嘅屋、你对家主话、老师有话、我客房喺边处、等我共门生喺处食逾越节嘅筵席呢。

佢必俾一间摆设齐整嘅大楼过你睇、你就喺个处、为我哋预备喇。

门生就去入城、果然遇著照依耶稣对佢哋所讲嘅、就预备逾越节嘅筵席。○

到挨晚时、耶稣同十二门生嚟。

佢哋坐在席上、食开个时、耶稣话、我实在话你知、你哋之中、有一个共我同食嘅、是必卖我呀。

门生就闭翳起嚟、逐一逐一问佢话、係我咩。

耶稣对佢哋话、十二门生之中、有一个同我挤手落碟嘅、就係咯。

人子将过世、係照圣经所指着佢嘅、但係卖人子个人有祸咯、个个人唔生出嚟重好。○

食紧个时、耶稣拧饼祝谢、就擘开俾过门生话、你拧喇、呢的係我嘅身呀。

又拧只杯感谢、𢬿嚟俾过门生、大众就饮哓。

耶稣对佢哋话呢的係我嘅血、即係新约嘅血、为众人流嘅。

我实在话你哋知、我唔再饮菩提树所生嘅、等到个日、我喺上帝国、致饮新嘅咯、

佢哋唱哓一首诗、就去到橄榄山。

耶稣对佢哋话、你哋众人必厌弃我、因为圣经有话、我将打个牧人、噉就群羊散嘥咯。

但我复生之后、必先过你哋去到加利利。

彼得就对佢话、众人虽然厌弃你、我必唔係。

耶稣答佢话、我实在话你知、今晚第二次鸡啼之先、你是必三次唔认我。

但彼得又极力话、即使共你同死、我断冇话唔认你、众人亦你噉样讲。

去到一笪地方、叫做客西马尼、耶稣对门生话、你哋坐倒呢处、等我祈祷。

于是带住彼得雅各约翰同埋自己行、就好惊慌、好悲切、

对佢哋话、我心闭翳到死咯、你哋喺呢处等候、又要儆醒呀。

佢就行前几步、𡂈倒地处祈祷话、呢个时候、可以免得、就求免喇。

又话、亚爸父呀、你係无所不能、求你𢬿呢只杯离开我、但唔係要从我所想、惟係从你所想呮。

番嚟、见门生瞓著、就对彼得话、西门、你瞓觉咩、你不能儆醒半个时辰咩。

儆醒呀、祈祷呀、免致人迷惑呀、你心係情愿、但身体软弱咯。

又再去祈祷、说话同一样。

又番嚟佢见门生瞓著、因係眼倦呀、佢哋都唔知点样回答耶稣。

又第三次番嚟、对佢哋话、你哋可以瞓觉安息咯、罢咯、时候到嚹、人子係卖过罪人嘅手嚹。

起身喇、我要去咯、卖我个个人嚟近咯。○

讲紧个时、十二门生之中、有个犹大、同埋好多人嚟、揸刀揸棍、喺众祭司长读害人长老个处嚟。

卖耶稣个人、先俾个暗号过佢哋话、我所亲嘴嘅、就係佢咯、捉倒要子细拉佢去呀。

已经嚟到、即刻行埋耶稣处话、夫子、就同佢亲嘴。

个的人就落手捉耶稣。○

喺侧边企处嘅、有一个人、拔出把剑、斩大祭司长嘅仆、削用佢双耳。

耶稣对众人话、你哋揸刀揸棍嚟捉我、好似捉贼噉咩。

我日日共你喺殿里教人、你哋唔捉我、但噉係令圣经所载嘅得应验咯。

门生个个离开耶稣走去。

有一个少年嘅人、佢身独係搂住一块蔴布、嚟跟耶稣、个的人捉住佢。

佢就褪用个块蔴布、赤身走去。○

众人拉耶稣去个大祭司长面前、众祭司长及长老读书人都齐集。

彼得远远跟住耶稣、入到大祭司长嘅院、共个的差役坐处焙火。

众祭司长、及全公会嘅人、搵见证嚟告耶稣想害死佢、但唔搵得倒。

因为好多人做假证告佢、但係所证嘅唔相合。

又有几个人、起身𢬿假证嚟告佢话。

我哋听过佢讲话、呢间殿、係人手所做嘅、我将拆哓佢、三日内、起过一间、唔係人手所做嘅。

但佢地所证亦唔相合。

大祭司长喺众人之中、起身问耶稣话、你冇说话回答咩、呢的人做证告你乜野呢。

耶稣总唔出声答佢、大祭司长再问佢话、你係可赞颂者之子基督唔係呢。

耶稣话、我係咯、你哋将来见人子、坐在全能者嘅右便、驾住天云落嚟呀。

大祭司长就擘烂自己衣服、话我哋重要搵乜野见证呢。

你哋已经听闻佢亵凟嘅话哩、你哋意思点呢、众人拟佢应得死罪。

就有的俾口水唾佢、有的遮住佢面、𢬿拳头打佢话、你係先知、试话出乜谁吖、个的差役又𢬿手掌掴佢

彼得喺下院处、大祭司长有一个妹仔嚟、

见彼得焙火、就睇住佢话、你平素都係同埋拿撒勒耶稣嘅。

彼得唔认就话、我唔知、亦唔晓你讲乜野、噉就出去、行到大门口嘅簷边、鸡就啼。

个个妹仔见佢、再对企倒侧边嘅人话、呢个人係同佢哋一党𡃉、但彼得又唔认。

歇冇耐、企倒侧边嘅人、再对彼得话、你真係同佢哋一党嘅咯、因为你係加利利人呀。

彼得就咒诅、而且誓愿话、你哋所讲个个人、我唔识佢呀。

鸡即时第二次啼、彼得记起耶稣所讲、话第二次鸡啼之先、你必三回唔认我、想着呢句说话、就喊起嚟。