过几日，耶稣再入迦百农，人听见佢喺屋𨀣。
就有好多人嚟聚集，至到门前都冇空地，耶稣就传道佢哋听。
有人带一个疯瘫嘅嚟，係四个人抬嘅。
因为人多，不能近前，就喺耶稣所在间屋瓦面，拆开一个竉，将个疯瘫人，连床吊落去。
耶稣见佢哋咁信赖佢，就对疯瘫嘅话，仔呀，你嘅罪得赦咯。
有几个读书人喺处坐心中议论话。
呢个人，做乜噉讲呢，佢亵凟咯，除哓上帝之外，边个能赦罪呢。
耶稣心中知到佢哋私自议论，就对佢话，你哋心内做乜议论噉呢。
对疯瘫人话，你罪得赦，抑或话起身，拧你张床行去，边样易呢。
但令你哋知到，人子喺地上，有赦罪嘅权柄。就对个疯瘫人话。
我叫你起身，拈你床去归。
个人在众人面前起身，即时拧床出去，众人就惊奇，归荣上帝话，我哋总唔曾见过噉嘅事。
耶稣再出，去到海边，有群众亲就佢，耶稣就教训佢哋。
又喺呢处行去，睇见亚勒腓子利未，坐在税关，就对佢话，跟从我喇，佢就起身跟从耶稣。
耶稣喺利未屋𨀣坐席，有好多收税嘅，及有罪嘅人，共耶稣及佢门生同席，因为个的人多，而且跟从耶稣呀。
法利赛中嘅读书人，见耶稣同收税嘅，及罪人共食，就对佢门生话，佢共收税嘅及罪人饮食呀。
耶稣听闻，对佢哋话，壮健嘅人，唔使要医生，但係有病嘅致要呮，我嚟唔係叫义人悔改，係叫罪人悔改呮。
约翰嘅门生，共法利赛人，禁食个时，有人嚟对耶稣话，约翰嘅门生，及法利赛人嘅门生都禁食，你门生做乜唔禁食呢。
耶稣对佢哋话，新郎喺处之时，贺新郎嘅人，点能禁食呢，重有新郎同埋喺处，个时不能禁食。
惟係将来新郎离别佢哋去哓，个阵时就必禁食咯。
冇人𢬿新布补旧衣服，怕所补嘅新布，反整坏旧嘅，致令裂烂更关係。
又冇人𢬿新酒载落旧皮袋，怕酒整裂个袋，酒连皮袋都坏哓，惟係新酒必要载落新皮袋吖。
适値安息日，耶稣经过禾田，佢门生行路之时，摘个的禾穗。
法利赛人对耶稣话，佢哋喺安息日，为乜做个的唔著嘅事呢。
耶稣对佢哋话，大辟及跟佢嘅人，冇粮食饥饿之时，所做嘅事，你哋未曾读过咩。
即係亚庇亚塔做祭司长个时，佢入上帝殿，食个的摆设嘅饼，亦俾过跟佢嘅人食，但係呢的饼，除哓祭司之外，别人唔著食嘅。
又对佢哋话安息日，係为人而设，人唔係为安息日而设。
所以人子亦係安息日嘅主呀。