耶稣再入会堂，有个一只手干枯嘅人喺处。
众人[目庄]住耶稣安息日医佢唔医，意思係想告讼佢。
耶稣就对枯手嘅人话，起身，企在中间。
又对众人话，喺安息日行善事，行恶事，救生命，杀生命，边样著呢，众人冇出声。
耶稣恼怒，周围望吓众人，因闭翳佢哋嘅心咁硬呀，就对个人话，伸开你个只手喇，佢把手一伸，就好番咯。
法利赛人出去，即时共希律个党人斟酌，点样嚟杀耶稣。
耶稣同门生，退出去海边，有群众喺加利利犹大。
耶路撒冷以土买约但外嘅，嚟跟从佢，又有好多推罗西顿嘅人，听闻佢所做嘅事，亦嚟亲就佢。
耶稣吩咐门生，整定只小船等佢，免致人多逼佢。
因为医好人多，故此凡有病嘅，都逼近佢身，想摩吓佢。
个的邪鬼一见，就[口仆]倒佢面前，大声叫话，你係上帝之子呀。
耶稣严禁佢哋，唔好将佢讲过人知。
耶稣上山随自己意嚟叫人，个的人就到佢处。
耶稣又设立十二个人，想佢哋跟随佢，而且打发佢哋传道。
亦俾佢哋有赶鬼嘅权。
有个係西门，改佢名做彼得。
又有西彼太嘅仔雅各，雅各嘅兄弟约翰，呢两个人，亦改佢名做半尼基，繙译即係雷仔噉解。
又有安得烈腓力巴多罗买马太多马亚勒腓之子雅各，又有达太，及锐教嘅西门。
共加略犹大，即係卖耶稣个个。
佢入哓屋里，众人又聚集，噉就佢哋食饭都唔得。
耶稣嘅亲属听闻，就出嚟，想拉住佢，对人话，佢係顚嘅。
有读书人，自耶路撒冷落嚟话，佢被别西卜所迷，倚赖鬼王赶鬼呮。
耶稣叫佢哋嚟，设譬喻对佢哋话，撒但点赶得撒但呢。
若係一国自己相分争，个国不能成立。
若係一家自己相分争，个家不能成立。
设使撒但共撒但相分争，亦不能成立，到底必败坏嘅。
冇人能入勇士嘅屋，抢劫佢家财，必要先绑起勇士，然后致劫得佢屋。
我实在话你哋知，世人所有罪恶，与及亵凟嘅话，都可以赦得。
惟係亵凟圣神嘅，总唔赦得，必永远有罪。
耶稣因人话佢係邪鬼所迷，故此讲呢的说话。
个阵耶稣嘅母亲，与及佢兄弟嚟，企在外更，使人入去叫佢。
众人围住耶稣坐处，有人对佢话，你母亲及兄弟，喺外便搵你。
耶稣答佢哋话，边个係我母亲我兄弟呢。
就周围望吓同坐嘅人话，请睇我嘅母亲，我嘅兄弟吖。
但凡遵依上帝旨意嘅，即係我兄弟，姊妹及母亲咯。