马可福音 7 · 1882《马可福音传》（粤语联合译本修订本，香港理工大学数据）

有法利赛人、及几个读书人、从耶路撒冷嚟嘅、聚埋耶稣处。

见佢几个门生手唔洁净、即係未曾洗过手就食饭。

因为法利赛人、及犹太众人、守古人传落嘅规矩、若唔子细洗手、就唔食饭。

又喺市上番嚟、若唔洗亦唔食、重有好多样、佢哋遵守嘅、即係杯碗铜器及床都要洗。

噉就法利赛人、及读书人、问耶稣话、你嘅门生、做乜唔依古人传落嘅规矩、手唔洁净就食饭呢。

耶稣答佢哋话、以赛亚预先讲及你哋伪善嘅、係著咯、好似圣书有写、呢的百姓𢬿口恭敬我、但佢个心离我好远、

佢哋𢬿人所吩咐嘅、作为道理嚟教人、噉佢拜我係徒然呮。

你哋丢弃上帝嘅诫命、执守古人所传落嘅。

耶稣又对佢哋话、你哋真係丢弃上帝嘅诫命、嚟守自己所传落嘅咯。

因摩西有话、要敬你嘅父母、又话、若毁谤父母嘅人、必要定死罪。

惟係你哋噉话、人若对父母讲、我所应当敬奉你嘅物件、做哓咯(口板)、即係做祭物。

自后你哋就唔准佢奉养父母。

噉样你係守古人传落嘅规矩、嚟废哓上帝嘅道理嚹、你哋所做嘅事、重有好多係噉样。

耶稣就叫众百姓嚟话、你哋众人、要听我讲、而且要明白呀。

凡喺外便入嘅、不能污秽人、独係喺里便出嘅、致哙污秽人呮。

但凡有耳可听嘅、就要听嚹。○

耶稣离开众人入屋、门生将呢个譬喻问佢。

耶稣就对佢哋话、你哋都唔明白咩、岂唔知到凡喺外便入嘅、不能污秽人。

因为唔係入佢嘅心、乃係入佢嘅肚于是遗落厕坑、佢噉话、当作各样食物係洁净咯。

又话、喺人里头出嘅、致哙污秽人。

因为从里头、即係从人心中所出、有恶念、私通、

偷野、杀人、奸淫、贪婪、恶毒、诡谲、奢侈、妒忌、亵凟、骄傲、狂妄。

呢的各样恶事、皆从心里头出、整污秽人嘅呀。○

耶稣喺个处起行、去到推罗西顿交界嘅地方、入一间屋、想唔俾人知、但唔(门身)得埋。

适値有一个女人、佢嘅女仔、被邪鬼所迷、闻得耶稣嘅事、嚟(口仆)倒佢脚下。

呢个女人、係希利尼嘅（希利尼或作异邦）属叙利非尼基族、佢求耶稣赶逐邪鬼离开佢女。

但耶稣对佢话、由得仔女先食饱、若𢬿仔女嘅饼𢫕过狗食、唔好呀。

女人答佢话、主呀、係咯、但狗在台下、亦得食仔女跌落嘅咂碎吖。

耶稣对佢话、因呢一句说话、你可以番去、个鬼已经离开你女咯。

女人番到佢屋𨀣、见鬼已经出、佢女瞓在床上。○

耶稣又离开推罗境界、经过西顿、及低加波利地方、到加利利海边。

有人带一个耳聋及黐脷嘅人嚟、求耶稣俾手按吓佢。

耶稣带佢离开众人、𢬿手指探入佢对耳、唾口水点吓佢条脷。

望住天叹一声、对佢话以法大、繙译即係开通噉解。

佢耳就开通、脷结解甩、讲得好明白。

耶稣禁戒佢哋、唔好话人知、但越发禁戒、佢哋越发传开。

众人了不得咁惊奇、就话、佢所做嘅事、件件都好、佢使聋嘅哙听、哑嘅哙讲呀。