約翰福音 13 · 1883《約翰福音傳》（粵語聯合譯本修訂本，香港理工大學）

踰越節之前、耶穌知到自己離開呢個世界、番歸父處嘅時候到咯、既愛世上屬自己嘅、就愛佢哋到尾、

食緊晚餐個時、魔鬼已經將賣耶穌嘅意思、擠落西門嘅仔加略猶大心中、

耶穌知到父也曾𢬿萬物交過佢手、又知到自己從上帝處嚟、亦必番歸上帝處、

就離席起身、除嘵件衫、擰一條巾束住腰、

後來倒水落盤、起首共門生洗腳、𢬿自己束腰嘅巾抹乾佢、

輪到西門彼得、彼得對佢話、主、你洗我腳咩、

耶穌答佢話、我所做嘅、你如今唔知、後來你必知咯、

彼得對佢話、你永遠唔洗得我腳、耶穌答佢話、若我唔洗你、你就共我冇份、

西門彼得對佢話、主、唔止我腳、連我手共頭都要洗呀、

耶穌對佢話、但凡已經洗嘅、獨係洗腳、就一身都潔淨咯、你哋係潔淨、但唔係個個都噉、

因為耶穌知到邊個將賣佢嘅、故此話、唔係個個得潔淨、

洗完佢哋嘅腳、擰番自己衫、再坐處、對門生話、我所做過你哋嘅、你曉得唔呢、

你哋稱我為師為主、係話得著、因為我係呀、

我係主、係師、尚且洗你腳、你哋應該互相洗腳、

因為我俾個模樣過你、令你哋照依我所做過你嘅去做呀、

我實實話你知、僕唔大得過佢主、被打發嘅、唔大得過打發佢嘅、

倘若你知到呢的事、若照噉做、就有福咯、

我所講嘅、唔係講及嘥你哋眾人、我所揀選嘅、我知到、惟係要應嘵聖經所講話、共我同食餅嘅、舉起腳嚟踢我呀、

如今事幹未成、我預先話你知、等事幹成嘵、你哋就信我係佢咯、

我實實話你知、招接我所打發嘅、即係招接我、招接我嘅、即係招接打發我嘅呀、

耶穌講完呢的、心裏好閉翳、就證明話、我實實話你知、你哋之中有一個將賣我咯、

門生彼此相睇、思疑佢講乜誰、

耶穌門生之中、有一個係佢所愛嘅、挨到耶穌胸懷處、

西門彼得(口揖)頭嚟對佢話、你話我知、耶穌係講乜誰、

佢噉挨倒耶穌胸懷嘅、就問佢話、主、係乜誰呢、

耶穌答話、我將一的野(氵任)吓俾過佢嘅就係咯、於是(氵任)一的野、𢬿嚟俾過加略人西門嘅仔猶大、

受嘵個的野之後、撒但即入佢心、耶穌就對佢話、你所做嘅、快的做喇、

喺席上嘅、冇人知佢為乜事對佢噉講、

本來銀袋喺猶大處、有人估耶穌吩咐佢買節筵所用嘅、抑或使佢去施捨過窮人、

猶大受嘵個的野、即時出去、個陣係夜晚咯、

佢出去之後、耶穌話、如今人子得榮光咯、上帝亦因佢得榮光、

上帝因自己亦必榮光佢、而且即時榮光佢、

小子呀、我暫時重同埋你哋、你哋將來搵我、照依我對猶太人所講話、我去個處、你不能到得、如今亦對你噉樣講、

我𢬿新嘅誡命俾你、即係你要彼此相愛、好似我也曾愛你、你都要噉樣相愛、

你若係大家相愛、眾人因此就知你係我門生咯、

西門彼得對佢話、主、你去邊處、耶穌答話、我去個處、如今你不能跟從我、但將來你必跟從我、

彼得對佢話、主、因何如今我不能跟從你呢、我願為你捨生命、

耶穌答佢話、你願為我捨生命咩、我實實話你知、雞必定唔啼、到你三次話唔識我呀、