約翰福音 16 · 1883《約翰福音傳》（粵語聯合譯本修訂本，香港理工大學數據）

我講呢的事過你哋知、免至你見阻礙、

眾人將來趕你出會堂、而且時候將到、但凡殺你嘅、以為噉樣係服事上帝、

佢哋噉樣做、因為佢唔識父共我呀、

我講呢的事過你知、等個時候嚟到、你哋可以記起、我對你講過咯、我始初未話你知嘅、因我同你喺處呀、

如今我番歸打發我嚟嘅個處、你哋冇人問我話、你去邊處、

但係因我講呢的事過你知、你就滿心閉翳、

但我話真過你知、我去、係你嘅益、若然我唔去、保惠師就唔嚟你處、若然我去、必打發佢嚟你處、

佢嚟之時、必定令世界為罪惡、為公義、為審判、責成自己、

為罪惡嘅、因佢哋唔信我呀、

為公義嘅、因我番歸我父處、你哋唔再見我呀、

為審判嘅、因個個管理呢個世界嘅被審判呀、

我重有好多事話你哋知、但你哋如今不能擔當得起、

惟係個真理嘅聖靈嚟、佢必定引你入各樣真理處、因為佢唔係由自己講、係𢬿佢所有聽聞嘅嚟講、而且𢬿將來嘅事指示你知、

佢是必歸榮我、因為佢將我嘅事嚟指示你知、

但凡父所有嘅、都係我嘅、故此我話、佢將我嘅事嚟指示你知、

歇冇耐你哋唔見我、又歇冇耐、你哋必見我、因為我番歸父處呀、

噉就門生之中、有的彼此相講、話、佢對我哋話、歇冇耐、你哋唔見我、又歇冇耐、你哋必見我、而且因為我番歸父處、佢噉樣同我講、係乜野意思呢、

故此門生話、佢所講歇冇耐個句、係乜野意思呢、我唔知佢講乜事、

耶穌知到佢想問自己、就對佢話、我所講歇冇耐、你唔見我、又歇冇耐、你必見我、你彼此互相詰問咩、

我實實話你知、你將來哭泣哀痛、世人必歡樂、你哋必憂愁、但你哋嘅憂愁、必定變為歡樂、

婦人臨產就閉翳、因為佢時候到咯、但生仔之後、就唔記得個的辛苦、因佢歡喜一個人生在世上呀、

噉樣、你哋如今閉翳、但我必定再見你、你心就歡樂、你嘅歡樂、冇人奪得你嘅、

當個時、你一的都唔使求我、我實實話你哋知、但凡你所求父嘅、佢因我名必賜過你哋、

從前你哋冇託我名嚟求乜野、求就必得倒、令你滿心歡樂、

我𢬿譬喻對你講呢的事、時候將到、我唔再𢬿譬喻對你講、係明白傳講個父過你知、

個陣時、你必託我名嚟求、我唔使對你話、我必定替你求父、

父自己愛你哋、因你愛我、而且信我從父處出嚟、

我從父處出嚟降臨世界、我又離開世界、番歸父處、

門生話、如今你係明講、唔係講譬喻、

如今我哋知你係無所不知、不必有人問你、因噉樣、我信你係從上帝處出嚟、

耶穌答佢哋話、如今你信囉咩、

時候將到、如今係咯、即你哋分散、各人番歸自己處、留落我獨自喺處、但我唔係獨自喺處、因為父同埋我呀、

我對你哋講呢的、令你在我得平安、在世你有患難、但你哋放心、我已經勝嘵世界咯、