馬可福音 2 · 1882《馬可福音傳》（粵語聯合譯本修訂本，香港理工大學數據）

過幾日、耶穌再入迦百農、人聽見佢喺屋𨀣、

就有好多人嚟聚集、至到門前都冇空地、耶穌就傳道佢哋聽。

有人帶一個瘋癱嘅嚟、係四個人擡嘅。

因為人多、不能近前、就喺耶穌所在間屋瓦面、拆開一個竉、將個瘋癱人、連床吊落去。

耶穌見佢哋咁信賴佢、就對瘋癱嘅話、仔呀、你嘅罪得赦咯。

有幾個讀書人喺處坐心中議論話、

呢個人、做乜噉講呢、佢褻凟咯、除嘵上帝之外、邊個能赦罪呢。

耶穌心中知到佢哋私自議論、就對佢話、你哋心內做乜議論噉呢。

對瘋癱人話、你罪得赦、抑或話起身、擰你張床行去、邊樣易呢。

但令你哋知到、人子喺地上、有赦罪嘅權柄。就對個瘋癱人話、

我叫你起身、拈你床去歸。

個人在眾人面前起身、即時擰床出去、眾人就驚奇、歸榮上帝話、我哋總唔曾見過噉嘅事。○

耶穌再出、去到海邊、有群眾親就佢、耶穌就教訓佢哋。

又喺呢處行去、睇見亞勒腓子利未、坐在稅關、就對佢話、跟從我喇、佢就起身跟從耶穌。

耶穌喺利未屋𨀣坐席、有好多收稅嘅、及有罪嘅人、共耶穌及佢門生同席、因為個的人多、而且跟從耶穌呀。

法利賽中嘅讀書人、見耶穌同收稅嘅、及罪人共食、就對佢門生話、佢共收稅嘅及罪人飲食呀。

耶穌聽聞、對佢哋話、壯健嘅人、唔使要醫生、但係有病嘅致要呮、我嚟唔係叫義人悔改、係叫罪人悔改呮。○

約翰嘅門生、共法利賽人、禁食個時、有人嚟對耶穌話、約翰嘅門生、及法利賽人嘅門生都禁食、你門生做乜唔禁食呢。

耶穌對佢哋話、新郎喺處之時、賀新郎嘅人、點能禁食呢、重有新郎同埋喺處、個時不能禁食、

惟係將來新郎離別佢哋去嘵、個陣時就必禁食咯

冇人𢬿新布補舊衣服、怕所補嘅新布、反整壞舊嘅、致令裂爛更關係。

又冇人𢬿新酒載落舊皮袋、怕酒整裂個袋、酒連皮袋都壞嘵、惟係新酒必要載落新皮袋吖。○

適値安息日、耶穌經過禾田、佢門生行路之時、摘個的禾穗。

法利賽人對耶穌話、佢哋喺安息日、為乜做個的唔著嘅事呢。

耶穌對佢哋話、大闢及跟佢嘅人、冇糧食飢餓之時、所做嘅事、你哋未曾讀過咩。

即係亞庇亞塔做祭司長個時、佢入上帝殿、食個的擺設嘅餅、亦俾過跟佢嘅人食、但係呢的餅、除嘵祭司之外、別人唔著食嘅。

又對佢哋話安息日、係為人而設、人唔係為安息日而設、

所以人子亦係安息日嘅主呀。